عدد الرسائل : 135 نقاط : 16860 تاريخ التسجيل : 27/02/2009 السٌّمعَة : 4 المهنة : المزاج : الهواية : الأوسمة : البلد :
موضوع: اروع شعر الأربعاء مارس 04, 2009 9:24 am
عسى الله يلوم اللي لحالي يلومون .. وانا كيف الومك بعد ما شفت واوحيت فلا تشكي الفرقا ترى القلب مطعون .. وانا لو دريت بغيب الايام ما جيت تقولون والا يا هلي ما تقولون .. ابفنى على ذا الحال كان استمريت انا ما ابغي الدكتور وانتم جبرتون .. خسرتوا دراهمكم وانا ما تشاويت علاجي حبيبي بس تكفون ودون .. وانا كان ما شفته تراني توفيت
عسى اللى حفظ يومسف على والده يعفوب .. يحفظ الذي عقبه العين سهرانه ولا ذفت عقبه لذّه الزاد والمشروب .. محاجر عيوني بازرق الدمع غرقانه الا واعذابي عقب فرقاك يا المحبوب .. خالي عقب فرقاك يزداد نقصانه قلبي من اللوعات يا صاحبي مصيوب .. ليمن ذكر ما فات يشتب نيرانه غرامك غلبني واعترف لك انا مغلوب .. اسيرك دخيلك تنقذه عقب هجرانه حسبي عليك الله ما احسنت عنك اتوب ..وقلبٍ جرحته كيف ترضى بنسيانه ولولا الحياء لرفع بصوتي واشق الثوب .. وابيّح بسدٍ طال يازين كتمانه ولكن ابصبر واتصبر على المكتوب .. وراضي بما جاني من الله سبحانه
عفت الحياة ومنوتي ليتني مت .. خلاص يكفيني عذاب وغرابيل ما عاد اطيق العيش بالسوق والبيت .. لا بالنهار ادله ولا ارتاح بالليل من كل شي اقول يا ناس مليت .. حتي احسبوني من حساب المهابيل فوق الشرف رايه الاحزان رزيت .. واطفيت ما في دارنا من قناديل عمري قضى ما ساعهٍ به تهنيت .. وابكي باوقات الطرب والتعاليل
علام حرف السين ما عاد سيّر .. ولي بغينا نوصله ما لقيناه واليوم معدوم الوصايف مخيّر .. ان جاد جدنا وان نسانا نسيناه وضعه طبيعي خابره ما تغيّر .. لو كان عنده حال ثاني عفيناه لو كان له حقٍ علي ما اتحيّر .. الشاهد الله ما اذكر انّا جفيناه مسافه البيتين فوق المقيّر .. قريب يسمع صوتنا لي دعيناه
على الوعد جيتكم .. يا مخلفين الوعود جيتك على وعدكم .. ظنيت وعدك يجود كا كان ظني بكم .. هذا الجفاء والصدود مشتاق والله لكم .. حبك بقلبي يزود افرح الي شفتكم .. وصدك يا غالي وقود ان ما كفى هجركم .. تراى زرت اللحود جريح من حبكم .. عندي على ذا شهود قصدي انا وصلكم .. ما اريد هذا الصدود روحي ومالي لكم .. الله يحل القيود
عيدكم مبروك يا سيد العذارى .. كل عامٍ وانت يا روحي بخير صمتك الغامض علامه بي دمارا .. منك يا مضنون عيني ما يصير يا ربيع العمر حدد لي مسارا .. لا تعذبني وانا جرحي خطير لو تعرف اللي بقلبي من صارا .. ما اعتقد يرضيك تتركني اسير العيون الباكيه لجلك سهارا .. بدّلت حلو الكرى دمعٍ غزير اشتكي لك منك وانت لي خيارا .. ماكنٍ حبك بقلبي والضمير
فرقت الاقدار بيني وبين اغلى حبيب .. واظلم الوادي بدونه ولا عدناه طراه العذول اسباب فرقاه مقطوع النصيب .. ما اخبله يبغاني انسى الفضي وتبع هواه كيف بنسى اللي ذبحني وخلاني صويب .. ما يدواي علّه القلب غير اللي رماه هو حياة الروح وهو الدواء لي والطبيب .. اهوا كل شي في حياتي حتى روحي فداه لي تكلم يسلب العقل باسلوبٍ عجيب .. ولي نظر لي وابتسم ذقت انا طعن الحياه نور خدّه لي نظره القمر خطرٍ يغيب .. كمله بالزين ربٍ تعالى في سماه
قالوا اصبر وقلت الصبر ذا مستحيل .. عجّلوا قربوا مني القلم والدواة بالهوى شلت حملٍ يا جماعه ثقيل .. طحت من سبته يا ناس ويش السوات آه دمعي عجب وان مستحته يسيل .. قرّب الموت مني ما هقيت النجاة عقب ما هو بعندي في نهارٍ وليل .. اتمنى ولو من رجى فيه الوصاة يوم عزّم على هجري بليّا دليل .. اتصبر وكن العين فيها حصاة لو رحمني بكلمه كود مابي يزيل .. او وداعاً يريح القلب قبل الممات ودعوا صاحبي عنّي وداعٍ جميل .. بلغوها وصاةٍ ما وراها وصاة قولوا انه طلبك الحل يا احسن خليل .. دام حبم تعثّر ما اريد الحياة
موضوع: اروع شعر 
الأربعاء مارس 04, 2009 9:24 am
